Ծրագրավորողների կողմից ստեղծված մանիֆեստը ներառում է 4 հիմնական գաղափար և ծրագրի արդյունավետ կառավարման 12 սկզբունք: Agile (ճկուն կառավարման) մեթոդով նախագծերի կառավարման ցանկացած համակարգ (ավելի ուշ կխոսենք համակարգերի մասին) հիմնված է հենց այդ գաղափարների և սկզբունքների վրա:
Agile-ի գաղափարները՝
- Մարդիկ և նրանց փոխազդեցությունն ավելի կարևոր են, քան գործընթացներն ու գործիքները:
- Աշխատող ծրագիրը ավելի կարևոր է, քան տեխնիկական փաստաթղթերը:
- Հաճախորդները և նրանց հետ համագործակցությունը ավելի կարևոր են, քան պայմանագիրը և պայմանների քննարկումը:
- Փոփոխություններ կատարելու պատրաստակամությունը ավելի կարևոր է, քան նախնական պլանը:
Agile-ի սկզբունքները՝
- Գոհացնել հաճախորդներին` նախապես և անընդհատ համակարգչային ծրագրեր տրամադրելով (հաճախորդները գոհ են, երբ աշխատող ծրագիրը նրանց տրամադրվում է պարբերաբար և միևնույն ժամանակային հաճախականությամբ)
- Զարգացման ամբողջ ցիկլի ընթացքում փոխել վերջնական արտադրանքի պահանջները
- Հնարավորինս հաճախ տրամադրել աշխատող ծրագիր (շաբաթը մեկ, երկու շաբաթը մեկ, ամսական և այլն)
- Մշակման ամբողջ փուլում ծրագրավորողների և հաճախորդների միջև համագործակցության պահպանում
- Աջակցել և մոտիվացնել բոլոր նրանց, ովքեր ներգրավված են նախագծում (եթե թիմը մոտիվացված է, ապա նա իր առջև դրված խնդիրները կատարում է շատ ավելի լավ, քան մի թիմ, որի անդամները դժգոհ են աշխատանքային պայմաններից)
- Ծրագրավորորղների միջև ապահովել անմիջական փոխգործակցություն (անմիջական շփման հնարավորությունը նպաստում է ավելի հաջող հաղորդակցության)
- Չափել առաջընթացը միայն աշխատող ծրագրի միջոցով (հաճախորդները պետք է ստանան միայն ֆունկցիոնալ և աշխատող ծրագիր)
- Պահպանել աշխատանքի շարունակական տեմպերը (թիմը պետք է մշակի աշխատանքի օպտիմալ և պահպանվող արագություն)
- Ուշադրություն դարձրել դիզայնին և տեխնիկական մանրամասներին (արդյունավետ հմտությունների և լավ դիզայնի շնորհիվ, նախագծի թիմը հնարավորություն է ստանում մշտապես կատարելագործել արտադրանքը և աշխատել դրա բարելավման ուղղությամբ)
- Փորձել հնարավորինս պարզ դարձնել աշխատանքային գործընթացը, իսկ ծրագիրը` պարզ և հասկանալի:
- Թիմի անդամներին թույլ տալ ինքնուրույն որոշումներ կայացնել (եթե ծրագրավորողները կարող են ինքնուրույն որոշումներ կայացնել, ինքնակազմակերպվել և շփվել թիմի մյուս անդամների հետ` գաղափարներ փոխանակելով, ապա որակյալ արտադրանք ստեղծելու հավանականությունը էապես մեծանում է)
- Մշտապես հարմարվել փոփոխվող միջավայրին (դրա շնորհիվ պատրաստի արտադրանքը կլինի ավելի մրցունակ)
Պոդկաստի հղումը՝ Agile (ճկուն կառավարման) մանիֆեստ